ក្រោយ Tesla បញ្ចេញគម្រោងថានឹងធ្វើ Robotaxi ដើរដោយប្រព័ន្ធស្វ័យប្រវត្តិ តែត្រូវពន្យារពេលជាច្រើនឆ្នាំ ក្រុមហ៊ុនមួយនេះ បានសម្រេចផលិត Electic Robotaxi ហើយចេញប្រតិបត្តិការមុន Tesla តែម្ដង មានការរចនា រូបរាងពិសេស ផ្នែកខាងមុខ ដូចផ្នែកខាងក្រោយ សំខាន់ដំណើរការដោយប្រើប្រពន័្ធស្វ័យប្រវត្តិសុទ្ធ មិនត្រូវការចង្កូត សម្រាប់បើក ឬអ្នកបើកបរផ្ទាល់នោះទេ។
កូនឡានអគ្គិសនីនេះ មានឈ្មោះថា Zoox ជាផលិតផលមកពីក្រុមហ៊ុនឈ្មោះដូចគ្នា និងជាបុត្រសម្ពន្ធ័របស់ Amazon ដែលធ្វើឡើងជារថយន្ដអគ្គិសនីដឹកដំណើរ (តាក់ស៊ី) ជាហេតុដែលវាមិនត្រូវបានបំពាក់ ចង្កូត និងឈ្នាន់ហ្គែរសម្រាប់អ្នកបើកបរ និងរត់ដោយប្រព័ន្ធបើកបរស្វ័យប្រវត្តិសុទ្ធសាធតែម្ដង។ វាមានប្រវែងបណ្ដោយ ៣.៦៣ ម៉ែត្រ កោអីវែងពីរទល់មុខគ្នា អាចជិះបានគ្នា ៤ នាក់ ជាពិសេសផ្នែកទាំងសងខាងត្រូវបានរចនាជាមុខរបស់រថយន្ដ ដែលអាចឲ្យវារត់តាមទិសដៅណាក៏បាន ក្នុងនោះវាបើកបរបានដល់ល្បឿន ១២០គម/ម៉ តែត្រូវបានកំណត់ឲ្យដឹកអ្នកដំណើរក្នុងល្បឿនតែ ៥៦គម/ម៉ ឬតិចជាងនេះ បត់បែនតាមស្ថានភាពផ្លូវ ជាមួយថ្មថាមពល ១៣៣ kWh សាកម្ដងរត់បានជិត ៥០០ គម។
Zoox ទើបតែទទួលបានការអនុញ្ញាតឲ្យដំណើរការសាកល្បង ពីនាយកដ្ឋានយានយន្ដ (Department of Motor Vehicles: DMV) លើដងផ្លូវមរមារញឹកក្នុងរដ្ឋកាលីហ្វញ៉ា សហរដ្ឋអាមេរិក កាលពីខែកុម្ភៈថ្មីៗនេះ បន្ទាប់ពីឆ្លងកាត់ការធ្វើតេស្ដសាកល្បងកម្រិតខ្ពស់ និង L3 (level 3) test fleet លើដងផ្លូវក្រុងធំៗ ៣ ដូចជា San Francisco, Las Vegas, និង Seattle ជាដើម។ ក្រុមហ៊ុនបានឲ្យដឹងដែរថា សម្រាប់ដំណាក់កាលដំបូងនេះ Zoox គឺប្រើប្រាស់សម្រាប់ការដឹកជញ្ជូនជាសាធារណៈសិន បន្ទាប់មក ក្រុមហ៊ុននឹងគិតគូរដាក់បច្ចេកវិទ្យានេះ លើរថយន្ដសម្រាប់អតិថិជនប្រើប្រាស់ធម្មតានៅពេលក្រោយ។
សូមជម្រាបជូនថា សម្រាប់ការផលិតឡានអគ្គិសនីបែប Robotaxi ឬ តាក់ស៊ីបើកបរស្វ័យប្រវត្តិ នេះមិនមែនមានតែ Tesla និង Zoox នោះទេ តែក៏មានក្រុមហ៊ុនផ្សេងៗទៀតដែលបានសម្រេចការផលិតនេះ ដូចគ្នាដូចជា Ford និង Volkswagen លើបច្ចេកវិទ្យាស្វ័យប្រវត្តិ Argo AI self-driving កាលពីឆ្នាំ ២០១៩ កន្លងទៅតែត្រូវបានបង្វែរមកផ្ដោត លើការអភិវឌ្ឍន៍ប្រព័ន្ធជំនួយការបើកបរវិញ និង Waymo របស់ Alphabet ចូលដៃគ្នាជាមួយ General Motor ដែលទើបតែសម្រេចការសាកល្បងរបស់ខ្លួនកាលពីពេលថ្មីៗនេះផងដែរ នេះសរបង្ហាញថា បច្ចេកវិទ្យាការបើកបរស្វ័យប្រវត្តិ កំពុងតែរីកដុះដាលខ្លាំងក្នុងវិស័យយានយន្ដ ក្លាយជាផ្នែកមួយដែលក្រុមហ៊ុនផលិតយានយន្ដធំៗកំពុងផ្ដោតការប្រកួតប្រជែង បន្ថែមពីលើតែការប្រើប្រាស់អគ្គិសនី។
ប្រភព៖ The Guardian
អត្ថបទ៖ Andra
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
កាន់ 3ម៉ឺនដុល្លារជាង ចង់ជិះឡាន Pick Up ឆ្នាំខ្ពស់អាចមើល Nissan Navara មួយនេះបាន ចាយរាងមិនធម្មតាឡើយ
អបអរសាទរ KNN Cambodia ក្នុងការទទួលបានសិទ្ធផ្ដាច់មុខនូវការនាំចូល និងចែកចាយរថយន្ដល្បី Jetour មកកាន់ទីផ្សារប្រទេសកម្ពុជា
រថយន្តអគ្គិសនីប្រភេទ MPV លំដាប់អភិជនដែលកំពុងឈានមុខគេក្នុងទីផ្សារកម្ពុជា និងអាស៊ី
Toyota Rush 2023 ជាឆ្នាំចុងក្រោយ លែងមានទៀតហើយប្រភេទខ្លាញ់គោ ខណៈពពួកស្លាកលេខនៅក្រោម 3ម៉ឺនដុល្លារ
អបអរសាទរ KNN Cambodia ក្នុងការទទួលបានសិទ្ធផ្ដាច់មុខនូវការនាំចូល និងចែកចាយរថយន្ដល្បី Jetour មកកាន់ទីផ្សារប្រទេសកម្ពុជា
Toyota បញ្ចេញ GR Corolla 2025 ប្រើម៉ាស៊ីនត្រឹម 3-Cylinder ប៉ុន្ដែរអាចបង្កើតកម្លាំងសេះបាន 300 ក្បាលឯណោះ
Nissan Versa 2025 ក្លាយជាឡានថ្មី ដែលមានតម្លៃធូរបំផុតមួយនៅ អាមេរិក តម្លៃត្រឹមតែ 1 ម៉ឺនដុល្លារជាងប៉ុណ្ណោះ
Toyota បញ្ចេញ Highlander 25th Anniversary Edition ដើម្បីគម្រប់ខួប 25ឆ្នាំ នឹងផលិតតែ 2,500គ្រឿងប៉ុណ្ណោះ